«Սեբաստացու օրեր.կրթահամալիրի տոն» նախագծի ամփոփում

Իրականացված նախագծեր՝

«Թթուդրիկ» նախագիծ

«Սուջուխի ծես» նախագիծ

«Ուրբաթ-համերգ՝առականի», ամփոփումն՝ այստեղ

Ստեղծագործական աշխատանքներ

«Ինչո՞ւ եմ սիրում կրթահամալիրը»

«Ինչպիսի՞ն է իսկական սեբաստացին»

«Ես կրթահամալիրին նվիրում եմ»

Այլ գործունեություններ՝

Հարստացնում ենք մեր մառանը

 

Ուսումնական ճամփորդություն՝

«Շոշափելի մաթեմատիկա» շրջիկ-ցուցահանդեսի մասնակցություն՝ նախագիծն ու ամփոփումը

 

Ուսումնական ձմեռ.2019-2020

Մասնակիցներ` Հյուսիսային դպրոցի 3-րդ դասարանցիներ

Ժամանակահատվածը` դեկտեմբերի 23-հունվարի 8

Ուսումնական ձմեռ.առցանց աշխատանքներ.ընտանեկան նախագծեր

Գործունեության ձևեր, որոնք սովորողները կատարելու են տանը, ընտանիքում՝ առցանց:

  • Անցնել տոնական քաղաքով, ներկայացնել համայնքի-բակի տոնը՝ ձևավորումով, տրամադրությամբ
  • Տոնական Երևան. ֆոտոշար (լուսանկարել Երևանի որևէ բակ, թաղամաս, փողոց, որը տոնական է ու զարդարված: Լուսանկարներն ու նկարագրությունը տեղադրել բլոգում)
  • Ամանորի մասին պատմում են տատիկ-պապիկները. հարցազրույց
  • Տոնական խոհանոց
  • Ամանորյա ուտեստներ
  • Ինչպես եք նշում Ամանորն ընտանիքում
  • Ամանորն իմ ընտանիքում
  • Ամանորյա իրարանցում մեր տանը, բակում, թաղում, այգում
  • Եղանակային դիտարկումներ. ֆոտոշար և պատում
  • Ձմեռային ֆոտոշար
  • Էլեկտրոնային բացիկ Ձմեռ պապիկին
  • Ամանորյա բացիկներ Paint նկարչական ծրագրով
  • Բնագիտական փորձեր ձյան, ջրի, սառույցի վերաբերյալ
  • Սահնակով, դահուկով սահիր, ձնագնդի խաղա և տեսանյութ նկարահանիր
  • Բարեմաղթանք քո տատիկի, պապիկի կամ քեզ հասած բարբառով: Նյութը կարող ես ներկայացնել ռադիոնյութի, էլեկտրոնային բացիկի տեսքով։

Ավարտուն նյութերը կհրապարակվեն Հյուսիսային դպրոցի ենթակայքում, դասարանական բլոգում:

Օգտվել եմ՝ Կարինե Մամիկոնյանի բլոգից

Սուջուխի ծեսը

Օրը՝ նոյեմբերի 13

Մասնակիցներ՝ Հյուսիսային դպրոցի 3.1դասարանցիներ

Նպատակը՝

Սուջուխի ծեսը կրթահամալիրի ուսումնական գործընթացում ներառելու, սովորողներին ազգային ավանդույթներին ծանոթացնելու փորձ:

Խնդիրներ՝

Բանավոր խոսքի զարգացում, տեխնոլոգիական հմտությունների , կարողությունների զարգացում, բանավոր հաշվելու, համեմատելու, համադրելու կարողության զարգացում

Անհրաժեշտ պարագաներ

  • ընկույզ
  • թարմ և չոր մրգեր
  • ալյուր
  • շաքար
  • ջուր
  • համեմունքներ
  • թել
  • ասեղ

Ընթացքը

Սովորողները նախապես կծանոթանան աշխատանքային երգերին, կսովորեն դրանցից մի քանիսը։ Երգերի մեջ որպես երաժշտական գործիք կկիրառվի ընկույզը(շրխկաններով երգեր)։ Շաբաթվա ընթացքում ընկույզից կստանանք հերոսներ, դեմքեր, կխաղանք ներկայացումներ ուրախ ու տխուր մարդկանց մասին։ Մասնակիցները կհաշվեն ընկույզները, կչափեն թելերը, կչափեն անհրաժեշտ քանակությամբ ալյուրը, համեմունքները, կպատրաստենք շփոթը։ Շարված ընկույզները կթաթախվեն։ Տեղեկատվական նյութեր կկարդան ընկույզի մասին: Պատմություններ կհորինեն «Չարաճճի ընկույզը» վերնագրով:

Արդյունքը՝ «Սուջուխի ծեսը» դարձնել ավանդական՝ ներգրավելով երաժշտության, մաթեմատիկայի, տեխնոլոգիայի ուսուցիչներին։

Նախագծի հեղինակ՝ Մարինե Մխիթարյան

Ամփոփումն՝ այստեղ

Ուսումնական ճամփորդություն «Թումո»

Ճամփորդության ամսաթիվը՝ Նոյեմբերի 7

Մեկնումը դպրոցից՝ 9:30

Ժամանումը դպրոց՝ 13:30

Նպատակը՝

Գյոթե-ինստիտուտի «Շոշափելի մաթեմատիկա» շրջիկ-ցուցահանդեսի մասնակցություն

Ցուցահանդեսը մշակվել է գերմանական Գիսեն քաղաքի «Mathematikum» թանգարանի կողմից, որն աշխարհի առաջին ինտերակտիվ մաթեմատիկական թանգարանն է:

Ցուցահանդեսի տևողությունը՝ 1,5 ժամ: Ավարտից հետո երեխաները Թումանյանի անվան զբոսայգում կունենան ֆոտոպլեներ:

Արդյունքը՝

Ցուցահանդեսը երեխաներին հնարավորություն կտա բացահայտելու մաթեմատիկան նոր տեսանկյունից՝ ինտերակտիվ ցուցանմուշների եւ խաղերի օգնությամբ:

Ամփոփումն՝ այստեղ

Продолжить чтение «Ուսումնական ճամփորդություն «Թումո»»

Բարև 2020.ուսումնական նախագիծ

Նպատակը

Սովորողներին մասնակից դարձնելով ամանորյա ծեսի նախապատրաստությանը, ներգրավելով խմբային հետազոտական աշխատանքներում,  ծանոթացնել հայկական և այլ երկրների ամանորի սովորույթներին. Продолжить чтение «Բարև 2020.ուսումնական նախագիծ»

Ուսումնական աշուն. 2019

received_347061695871462
Տևողությունը՝ հոկտեմբերի 28 — նոյեմբերի 3

Մասնակիցները՝ 3-րդ դասարանցիներ

Նպատակը`

  • Շրջապատը հետազոտելու, խնամելու, պահպանելու, բարեկարգելու կարողությունների զարգացում
  • Բույսի, եղանակի, երևույթի, առարկայի, օրվա փոփոխությունների դիտարկում
  • Թվային միջոցներից օգտվելու կարողությունների կիրառում

Продолжить чтение «Ուսումնական աշուն. 2019»

Սեբաստացու օրեր. կրթահամալիրի տոն

«Մխիթար Սեբաստացի» կրթահամալիր. հեղինակային մանկավարժության 30 տարի

Ժամանակահատվածը՝ նոյեմբերի  4-15  

«Սեբաստացու օրեր. կրթահամալիրի տոն» ստուգատեսը նախատեսված է կրթահամալիրի ուսումնական օրացույցով:

«Սեբաստացու օրեր. կրթահամալիրի տոն» ստուգատեսը մեկնարկում է պատում-քննարկումների, հարցազրույցների, ուսումնասիրությունների բազմաթիվ շարքերով, որտեղ սովորողները, նրանց ընտանիքի անդամները, ուսուցիչները պատմում ու փոխանցում են կրթահամալիրի, իրենց մասին հետաքրքիր, սեբաստացիական պատումներ: Սովորողները սկսում են ինքնուրույն կամ խմբով ուսումնասիրել «Մխիթար Սեբաստացի» կրթահամալիրի ստեղծման պատմությունը, ճանաչում են ամենասեբաստացիներին: Ուսումնասիրության արդյունքները, իրենց պատումները, հարցազրույցները պարբերաբար հրապարակվում են բլոգում, ենթակայքում, կայքում: Продолжить чтение «Սեբաստացու օրեր. կրթահամալիրի տոն»

Խնկոյանական օրեր 2019-2020

Ժամանակահատված՝ 14.10 — 30.10

Խնդիրները`

  • Խնկոյանական ընթերցարանների, ֆիլմերի, հեքիաթների ժողովածուների ստեղծում
  • Ծանոթանալ Խնկոյանի ստեղծագործություններին
  • Բառապաշարի հարստացում
  • Գրական ճաշակի ձևավորում ու զարգացում
  • Ստեղծագործական երևակայության, բանավոր խոսքի, տեխնոլոգիական, մեդիատեխնոլոգիական, բնագիտական, երաժշտական հմտությունների զարգացում
  • Խմբային (դասարանական) մեդիանյութերի  ստեղծում

    Ստեղծագործությունների ցանկ
  • Փեսացու մուկը_
  • Ճպուռն ու մրջյունը_
  • Ագռավն ու աղվեսը
  • Մկների ժողովը
  • Վատ ընկերը

Продолжить чтение «Խնկոյանական օրեր 2019-2020»

Թթուդրիկ

Նպատակը՝ Նախագծային շաբաթվա ընթացքում տեխնոլոգիական, մաթեմատիկական, բնագիտական գործունեությունների արդյունքում պատրաստել թթու, որը կհամտեսենք «Սեբաստացու օրեր, կրթահամալիրի» նախագծի ժամանակ:

Տևողությունը՝ 5 օր

Ժամկետը՝

Խնդիրները, գործունեությունը

  • Դիտել տեսանյութեր բանջարեղենների մթերման, պահածոյացման գործընթացի մասին (բանջարեղենի տեղափոխում բանջարանոցից պահեստ, գործարան, մթերում/ պահածոյացում, պիտակներ, բաղադրություն)
  • Բանջարանոցից՝ խանութ. թթվի անցած ճանապարհը. քայլաշար ստեղծել
  • Արտադրող- սպառող, պահանջարկ — առաջարկ հասկացությունների շուրջ քննարկում կազմակերպել
  • Որոնել թթու պատրաստելու բաղադրատոմսեր
  • Հարցազրույցներ վարել ընտանիքի կանանցից և իմանալ ընտանեկան բաղադրատոմսերի գաղտնիքները
  • Ընտրել բաղադրատոմս, կազմել գնումների ցուցակ:
  • Որոնել թթվի համար անհրաժեշտ բանջարեղենների օգտակար հատկությունների մասին տեղեկույթ, կիսվել բլոգում:
  • Կատարել գնումներ (ընտրություն կատարել, դասավորել տոպրակի մեջ, մոտենալ կշեռքին, մոտենալ գանձապահին և գնած մթերքը հասնցել դպրոց):
  • Որոշել բանջարեղենը տարաներում տեսակավորելու տարբերակներ, ստեղծել տարաներում բանջարեղենների խմբավորման օրինաչափություններ (քանակի մոտավոր գնահատում գ, առարկաների զանգված — չափսեր, զանգված-քանակ, արժեք-քանակ հարաբերակցություն):
  • Ստեղծել պիտակներ թթվի տարաների համար:
  • Ստեղծել գովազային հայտարարություններ պատրաստված թթվի համար:

Ամփոփումն՝ այստեղ

Կոմիտասյան օրեր

Նպատակը՝  սովորողներին ծանոթացնել  Կոմիտասի ստեղծագործություններին, ձևավորել սեր ազգային երաժշտության հանդեպ, տարբեր գործունեություններով տարածել կոմիտասյան երգն ու երաժշտությունը:

Տևողությունը՝ սեպտեմբերի 27-հոկտեմբերի 18

Խնդիրները՝

  • Վերհիշել սովորած երգերը, պարերգերը՝ Կաքավիկ, Ձիուկ, Հոյ Նազան, Սոնա Յար, այբ-բեն-գիմ, Լորիկ, Եղնիկ
  • Կարդալ, հասկանալ, բերանացի անել նոր երգերի խոսքերը. Կռունկ ծափ տուր ու թռի, Սար-սար, Հոպ, թռի
  • Կարդալ, լսել Կոմիտասի մասին
  • Ունկնդրել երաժշտություն՝  6 պար, 7 երգ
  • Նկարել երաժշտության ներքո
  • «Բարձունքի նվաճում» ճամփորդության ընթացքում տարածել Կոմիտաս
  • Այցելել Կոմիտասի թանգարան-ինստիտուտ

 

Երգերի խոսքեր, կատարումներ

Ստեղծագործություններ՝ Ձայնադարան