«Սեբաստացու օրեր. կրթահամալիրի տոն» ստուգատեսը նախատեսված է կրթահամալիրի ուսումնական օրացույցով:
«Սեբաստացու օրեր. կրթահամալիրի տոն» ստուգատեսը մեկնարկում է պատում-քննարկումների, հարցազրույցների, ուսումնասիրությունների բազմաթիվ շարքերով, որտեղ սովորողները, նրանց ընտանիքի անդամները, ուսուցիչները պատմում ու փոխանցում են կրթահամալիրի, իրենց մասին հետաքրքիր, սեբաստացիական պատումներ: Սովորողները սկսում են ինքնուրույն կամ խմբով ուսումնասիրել «Մխիթար Սեբաստացի» կրթահամալիրի ստեղծման պատմությունը, ճանաչում են ամենասեբաստացիներին: Ուսումնասիրության արդյունքները, իրենց պատումները, հարցազրույցները պարբերաբար հրապարակվում են բլոգում, ենթակայքում, կայքում:
Ժամանակահատվածը՝ նոյեմբեր
Նպատակը՝ Սովորողների, նրանց ընտանիքների կրթահամալիրային գործունեության միջոցով ֆիզիկական և մեդիա միջավայրում հրապարակային, հասկանալի դարձնել կրթահամալիրի գործունեությունը, պատմությունը, մանկավարժական մոտեցումները:
Խնդիրները՝
- Անհրաժեշտ տեղեկություններ (ինֆորմացիա) հավաքելու հմտությունների զարգացում
- Հետազոտական, վերլուծական կարողությունների ձևավորում ու զարգացում
- Ստեղծագործական երևակայության զարգացում
- Մեդիահմտությունների զարգացում (բլոգավարություն)
- Տեխնոլոգիական հմտությունների զարգացում
- Ցուցահանդես-վաճառքի մասնակցություն
- Տեղեկատվական բնույթի տեքստի ընթերցանության ու քննարկման կարողությունների զարգացում:
Նախագծի ընթացքում նախատեսվում է (ակնկալիքներ, արդյունքներ)
- Պատումներ, ուսումնասիրություններ, հարցազրույցներ, ռադիոնյութեր մեծ ու փոքր սեբաստացիների հետ
- Ո՞վ է Մխիթար Սեբաստացին
- Ինչո՞ւ է մեր կրթահամալիրը կոչվում Սեբաստացու անունով
- Կրթահամալիրի ստեղծման պատմությունը
- Ո՞վ է իսկական սեբաստացին
- Ինչո՞ւ եմ սիրում կրթահամալիրը
- Իմ ընտանիքի սեբաստացիները (ուսումնասիրություն)
- Պատմում ու ներկայանում են սեբաստացի ծնողները
3.Ընթերցանություն
Կրթահամալիր հիմնի ընթերցում. վերլուծություն
4. Ունկնդրում
- Հարցազրույց կրթահամալիրի տնօրեն Աշոտ Բլեյանի հետ
4.Տեխնոլոգիական գործունեություն. ցուցահանդես-վաճառքի մասնակցություն
- Թթուլավաշի պատրաստում
- ձևավորում, փաթեթավորում
- վաճառքի տեսքի բերում:
Կավե կախազարդերի, կրծքազարդերի ստեղծում
- Կավե կախազարդերի ստեղծում, ձևավորում,
- Թրծում,
- Գունավորում,
- Ապրանքային տեսքի ներկայացում:
Թթուդրիկի ծեսն ընտանեկան դպրոցներում
- Նախապատրաստում (գնացուցակի կազմում, առևտուր, բանջարեղենային ուսումնասիրություններ, հանելուկներ, ասիկներ, խնդրագրքերի ստեղծում)
- Իրականացում (ընտանիքում՝տատիկի կամ մայրիկի հետ թթու են պատրաստում. լուսաբանում բլոգներում)
- Ամփոփում (ռոդարիական հնարքների միջոցով պատմությունների, շուտասելուկների, հանելուկների հորինում)
Նախագծի իրականացման ընթացքը (ընդհանուր նկարագրություն)
Սովորողները, օգտվելով տեղեկատվական տարբեր աղբյուրներից, ծանոթանում են «Մխիթար Սեբաստացի» կրթահամալիրի ստեղծման պատմությանը: Տարբեր ուսումնասիրություներ են անցկացնում ընտանիքում, կրթահամալիրում, հարցազրույցներ են վարում, ռադիոնյութեր են պատրաստում, որտեղ ներկայացնում են ամենասեբաստացիներին, սեբաստացու այսօվա կերպարի մասին ունեցած իրենց պատկերացումները: Ուսումնասիրության արդյունքները, իրենց պատումները, հարցազրույցները պարբերաբար հրապարակվում են դասարանական բլոգում, անհատական բլոգներում, ենթակայքում, կայքում:
Եվ դպրոցում, և ընտանիքներում տեխնոլոգիական գործունեության արդունքում ստեղծված ապրանքները վաճառքի տեսքի են բերվում և ներկայացվում ցուցահանդես վաճառքին:
Մխիթար Սեբաստացի կրթահամալիր, Իմացումի հրճվանք կրթական ծրագիր 