Քանի որ կրտսեր դպրոցում «Իմացումի հրճվանք» ծրագիրն իրականացնում ենք գործունեությունների ինտեգրումով, կարող եմ փաստել, որ սովորողները մարզվում էին ամեն օր` չնայած ուսումնական պլանով շաբաթական 3 դասաժամ է հատկացված: Օրը սկսում էինք առավոտյան ընդհանուր պարապմունքի պատասխանատու դասարանի հետ նախավարժանք անելով: Օրվա ընթացքում 5-10 րոպեանոց մարզական դադարներ էինք կազմակերպում դասասենյակում, բացօթյա տանիքում, բակում: Երկուշաբթի քայլքով (հարմար հատվածներում` վազքով) գնում էինք Արևմտյան դպրոցի փակ լողավազանում լողալու, երեքշաբթի ընկեր Անուշի հետ հեծանվավարություն էինք անում, հինգշաբթի բակային, ազգային կամ էստաֆետային խաղերի օրն էր, երեքշաբթի և ուրբաթ մարզական գործունեություն ընտրած սովորողները ընկեր Անդրանիկի հետ էին մարզվում:
Սովորողներն ակտիվ մասնակցում էին մարզական պարապմունքներին, և տարվա ընթացքում ձեռքբերումներն ակնհայտ էին։
Ընկեր Անուշ Թորոսյանի ջանքերի շնորհիվ գրեթե բոլոր սովորողները (միայն նոր ընդունված 3 սովորող) կարողանում են երկանիվ հեծանիվ վարել:
Լողի պարապմունքին մասնակցելն է՛լ ավելի մեծ հրճվանք էր պատճառում, հատկապես, երբ ընկեր Անուշ Համբարյանը թույլ էր տալիս ջրացատկեր անել:
Ազգային փառատոնին ընդառաջ՝ ընկեր Հասմիկը նոր ազգային խաղերի հետ ծանոթացրեց:
Մարզատոն կազմակերպելն ու էստաֆետային խաղերին մասնակցելը 3-րդցիները ոչ մի բանի հետ չեն փոխի:
Ձմռան ցուրտ եղանակը մեզ չխանգարեց մարզական գործունեությունը դրսում կազմակերպել: Ջրվեժի արգելոցում սահնակ քշելը կամ բացօթյա տանիքում ձնագնդի խաղալը պակաս կարևոր չէին սովորողին կոփելու համար: Դե, իսկ Ձմեռային մարզական ստուգատեսը մեր ձեռքբերումները գրանցելու լավ առիթ էր:
Հեռավար-առցանց կազմակերպումը մեր մարզական վիճակը կոփելու և մարզական հետաքրքրությունները բավարարելու խոչընդոտ չդարձավ: Սովորողներն ընտանեկան դպրոցներում շարունակեցին հետևել իրենց մարզական վիճակին: Առցանց տեսադասերը սկսում էինք նախավարժանքով, որն իրականացնում էր պատասխանատու սովորողը.
- Առավոտյան մարզանք, Լիլի Մինասյան
- Մարզանք բնության գրկում, Նռանե Մուրադյան
- Մարմնամարզություն, Էյվա Մուրադյանը
- Մարզական առավոտ, Դավիթ Հակոբյան
- Նախավարժանք, Դանիել Ավետիսյան և տատիկ
- Ուրախ մարզանք, Մարկ Պետրոսյան և եղբայր
- Մարզանք գնդակով, Խաչատուր Մուրադյան
- Մարզանք, Հովհաննես Դավթյան և եղբայր
- Հետաքրքիր մարմնամարզություն, Գարի Մելիքյան և հարազատներ
- Մարզվում ենք, Տիգրան Գրիգորյան և քույրիկ
- Մարզվում ենք, Խաչատուր և Էյվա Մուրադյաններ
- Մարզանք, Ատրիանա Խանճյան
- Մարզանք, Անդրանիկ Քեշիշյան
- Ընտանեկան մարզումներ, Միլենա Կարապետյան և եղբայր
- Նախավարժանք, Արփի Խալաթյան
- Մարզանք շիհանի հետ, Տարոն Կիրակոսյան
- Ավանդական կարատե ընդդեմ կորոնավիրուսի, Արեգ Տոնոյան
Այս ընթացքում իրականացրեցինք հետևյալ մարզական նախագծերը.
Հեռավար-առցանց ուսուցումը հաստատեց, որ անկախ միջավայրից և հնարավորությունից, սեբաստացիները գտնում են տարբերակ՝ մարզական հնարավորությունները զարգացնելու համար:
Մխիթար Սեբաստացի կրթահամալիր, Իմացումի հրճվանք կրթական ծրագիր 