Այսօր Հյուսիսային դպրոցի 5-6 տարեկաններով ուխտագնացության էինք գնացել Օշական: Առաջին կանգառը «տառերի գիրք» կոչվող հուշարձանն էր: Բոլորս միասին մաքրեցինք հուշարձանի տարածքը: Հաջորդ կանգառը Սուրբ Մեսրոպ Մաշտոց եկեղեցին էր: Այնտեղ հանդիպեցինք քահանայի հետ, երգեցինք «Այբ,բեն,գիմ», «Հայր մեր» երգերը, իսկ Տառերի պուրակում գտանք մեր անվան առաջին տառն ու նկարվեցինք: Հաղթահարեցինք նաև Օշականի Դիդի Կոնդ կոչվող բարձունքը, որից հետո իջանք Օշականի ձոր` Քասաղ գետի ափ, երգեցինք, խաղացինք: Ոգևորված, բարձր տրամադրությամբ վերադարձանք դպրոց:
Մխիթար Սեբաստացի կրթահամալիր, Իմացումի հրճվանք կրթական ծրագիր 